Brief van koshuisbestuurder

Hannelie Ludik:

Hoërskool Kalahari se koshuis is 'n ou gebou met groot uitdagings, maar het ook 'n ryk geskiedenis en baie "onthou" tye... Dit is vir my lekker as 'n kind kom inskryf en die oomblik wat hulle instap begin die "onthou" spontaan uit hulle vloei… "Ons het altyd hierdeur geglip, ons het altyd hierheen gekom om ons toebroodjies te kry, ons het altyd hierheen gekom om te help pannekoek bak … en so word hierdie geskiedenis weer deel van 'n volgende generasie." My doel is om die koue onpersoonlikheid van 'n koshuis 'n warm en huislike "onthou" ervaring vir elke kind te maak.

Ek het 'n baie lojale arbeidsmag by die koshuis en ons word ondersteun deur 'n sterk bestuurspan wat dinge glad laat verloop. Ons verbeter en vernuwe groot dele van die koshuis elke jaar. Ons hou ook so ver moontlik tred met nuwe tegnologie rakende 'n kamerastelsel binne die koshuis sowel as op alle buitedeure. Ons het 'n sentrale verhittingstelsel vir warm water en elektronies beheerde hekke op alle buitehekke vir veiligheid. Dienspersoneel is ten alle tye op die terrein beskikbaar asook studietye vind onder toesig van die personeel plaas.
Ontspanningsgeriewe soos die swembad, tennisbane, gimnasium en sportterrein is elke middag beskikbaar.

​

“If kids come to us from

 strong, healthy functioning families, it makes our job easier.

If they do not come to us from strong, healthy functioning families it makes our job more important.”

-BARBARA COLOROSE